Central YMA-in Kamlova Chhangte tribal certificate cancel tura dilna lut mek chungchangah a rang thei ang bera hma la turin Mizoram an ngen.
Hemi chungchanga nimina thuchhuah an siamah Central YMA chuan Kamlova Chhangte-in tribal certificate a lo neih thiahsak tura Aizawl DC an ngenna chuan rah tha a chhuah zel nia an hriat thu sawiin, Kamlova Chhangte hian a tribal certificate hi thiahsak turin DC-ah ngenna a thehlut tawh nia an hriat thu leh sorkar chu hma la rang tura an ngen thu an sawi.
Central YMA thuchhuah chuan tribal ni loten tribal nihna chanvo an chan theih loh avangin, Branch YMA-te chu fimkhur taka hma la chhunzawm zel turin an ngen tih an sawi a. YMA hmalakna avangin tribal certificate hlihsak an awm tawh tih an sawi bakah tribal ni lo, tribal certificate nei hria chuan Central YMA hriattir turin mipui an ngen.