United States President Joe Biden chuan a thuphungin Ukraine nena an buaina chungchang sawi dun turin Russian President Vladimir Putin nena inkawm tura ruahmanna a pawm.
Inbiakna hi France-in rawtnaa neih tum niin Russia-in a thenawm ram a rûn loh chauhvin tihhlawhtlin a nih tur thu White House chuan a sawi.
Kremlin pawhin inbe ngei turin engmah ruahmanna a awm lo tih a sawi ve bawk.
Inbiakna a awm chuan dawhkan kila Europe-in kum tam tak chhunga venhimna lama a derthawn lai ber a tawn mak chu tihtawp theih beisei a ni.
US thuneitute chuan intelligent-te atanga an hriat danin Russia hian sipai chakna a hmang turin a inpeih reng niin a sawi a, Moscow erawh chuan a pha thung.
Inbiakna tura rawtna hi French President Emmanuel Macron-a leh Putin-a vawi hnih telephone-a an inbiak hnu lawka puan a ni a. President pahnih hi darkar thum dawn an inbia.
Inbiak vawi hnihna hi Russia ram sanaa Thawhtanni hma taka neih kha a ni a, a hnu lawkah minute 15 chhung Macron leh Biden-a hi an inbe zui bawk.
Macron-a pisa chuan inbiakna hi Ningania US Secretary of State Antony Blinken leh Russian Foreign Minister Sergei Lavrov te an inbiak ruala neih tura ruahman phawt a nih thu a sawi.
Inbe tura rawtna a awm ngei thu hi White House pawhin a pha lo va, thuchhuah a siamah Russia chuan Ukraine ram luhchilh mai turin a tha thei ang bera inbuatsaihna a kalpui reng thu pawh la tar lang telin, an rûn a nih vaih chuan US chuan na takin a chhang let ve dawn tih a tar lang.
US hian Russia chuan Ukraine nena an inrinaah hian sipai 1,50,000 chuang a dah niin a sawi.
US company Maxar pawhin thlalem atanga thla an lakah Russian sipaite hian Ukraine ramri bulah inkulhna thar an ngah hle tih a lang tih an sawi bawk.
CBS News-in a tar lan dan chuan US hian ramria Russian commander awmten an thenawm ram rûn tura inring tura thupek an dawng tawh niin a sawi a. An chet lak dan tur an duang mek niin a tar lang.
Chetna hmasa atan cyber hmanga beih phawta missile leh thlawhna atanga kah chhunzawm an tum a. A rang thei ang bera an khawpui, Kyiv lak an tum nia tar lan a ni.
A hming tar lan duh loh intelligence official pakhat chuan Russia-in ramria a sipai a tirh zinga 75% chuan Ukrainian ramri bul chetah awm hmun an khuar niin CNN a hrilh a. Russian sipaite hi Ukraine kah mai phakna lek niin a sawi bawk.
Khawthlang ramten Russia hian a thal a thlah mai dawn nia an sawi mek lai hian Ukraine erawh a la ralmuang hle a. Defence Minister Oleksii Reznikov chuan ‘vawiin emaw, naktukah emaw’ Russian hi an che dawn lo va, ramri-ah chutianga chet tumna a awm lo niin a sawi.