Mizoram Legislative Assembly pariatna, session pakua chu nimin atang khan neih tan a ni a, March 10, 2022 thleng awh tura ruahman a ni.
Session tan ni hian dan pangngaiin Mizoram Larsap Hari Babu Kambhampati chuan thu a sawi a, a thusawi chungchanga lawmthu sawina motion chu K Laldawngliana’n a pu lut a, motion hi naktukah sawiho-a pawm tum a ni ang.
Ningani khian finance changtu, Chief Minister Zoramthanga chuan 2022-23 atana Mizoram sum ruahman leh kumin sorkar kum chhunga sum indaih lohna phuhruk nana sum dil belhna chu house-ah a pharh ang.
March 10 thleng awh tur budget session neih chhung hian Inrinni leh Pathianni bakah sorkar chawlhah rorel inkhawm neih a ni dawn lo a, a vaiin thutkhawm ni tura ruahman zat ni 12 a ni.
Tun tum Budget Session-ah hian Speaker leh Dy Speaker an remchan loh changa rorel inkhawm kaihruaitu tur Panel of Chairman mi pali – KT Rokhaw, Dr K Pachhunga, Prof F Lalnunmawia, Dr Vanlaltanpuia leh Vanlalhlana te ruat an ni.