Aizawl Mayor Lalrinenga Sailo hovin AMC hotuten Aizawl chhunga maxi cab dinna turte nimin khan an enkual.
Mayor hi Deputy Mayor R. Thanglura, AMC-a officer leh traffic police hotuten an tawiawm a, Chaltlang Lily Veng, Sairang road leh Ramhlun North Basic mualah maxi cab dinna tur hi an enkual.
Lalrinenga Sailo chuan Aizawl khawpui tawt zel leh lirthei tam karah thingtlang mite leh mipui rawngbawltu, sumo driver-te tan awlsamna siamsak chu AMC-in a tul nia a hriat thu sawiin, harsatnate an tawk a, chuvang chuan hma an la tih a sawi.
Heng bakah hian zin mite leh driver-te inthiarna tur leh an intihfaina hmun tur changtlung tak siam an tum thu a sawi a. Nimina an hmun tlawh, Chaltlang Lily Venga Sairang road-ah sumo 100 leh Ramhlun North Basic mualah sumo 50 din theihna tur ruahman an tum thu a sawi.
Aizawl Mayor chuan sorkar hmalakpuinain, Kolasib tlangdung leh Champhai tlangdunga sumo services te dinna tur sumo- terminal changtlung tak siam tuma ruahmanna kalpui mek a nih thu a sawi bawk.
&&&&&