Eizawnna mila inchei!

Hnathawka nitin chhuak te han thlurbing dawn ila. A tlangpuiin kan ṭhalai eizawnna buaipuia nitin kawla ni chhuak chhiar te hian kan hun tam zawk mipui bula kan hman ṭhin avangin incheina kan uluk lehzual a ngai a. Kan hnathawh a zira inchei thiam a pawimawh ber.

A bikin form ha chi kan nih loh chuan a hmei a pain kan nitin eizawnna milin inchei a ṭha. Han thlurbing dawn ila; Sorkar hnathawka eizawng te hi chuan a tlangpuiin kan lakluh a zir zelin kan inseng so a; readymade lam, hmeichhe lam tan top, blouse, shirt kan ha nasa, naupang chhe zawk zawk kan ni lo tlangpui bawk a, kekawr lam pawh smart pants, cotton jeans leh denim lam pawh a rang lutuk lo, simple leh colour kal khat lam deuh kan ha tlangpui a. Mipui kan dawr ṭhin avang hian smart deuh lam, entirnan, jacket leh coat lam te, a boruak nen a inmil tho avangin hak a ṭha. Kekawr lam hi chetpui a awlsam avangin jeans leh cotton jeans ringawt i hak ṭhin kha heng ‘palazzo pants’ hian lo thlak chhin teh, a smart a, hak a nuam bawk. Mipa lam tan pawh jeans leh T-Shirt ringawt ha bik loin, ‘checks’ (tial) kamis te leh ‘coduroy’ kekawr brown, beige leh denim blue te hi lo ha chhuak ve la, thawhpui nula ho mit i la ngawt ang. Kamis lampang hak hi chuan sneakers te bun daih lovin loafers leh converse te pawh bun ta la i mawipui khawp ang.

Private Company te angah hi chuan kan thawhna a zirin vak kual a, ṭhu hman lo chi te kan nih chuan ‘ballerina flats’ lam te bun ila, a zangkhai a, ṭuan a rang, bakah thawmhnaw tight lutuk lo, T-Shirt pangngai leh denim tawp te ha la, chetvel a awlsam ber.

Hna hram lampang thawk tan chuan nalh khelh vak ai chuan hak nuam zawn a fuh ber. Dawr nghak leh mipui chhawn chi kan nih chuan kan incheina kha pawnlam miin min hmuh dan tur hmasa a nih avangin uchuak lo, fel, fai thlip thlep ni thei se, taksa lang tam lutuk ang chi te, kan thawhna timualpho thei ang chi te hak loh hram a ṭha.

Zirtirtu lam tana pawimawh em em chu naupang lamin kan inchei dan a zirin min lo teh ṭhin tih hre chungin mahni nalh tih nazawng hak loh a tha. Kan zirlai te kahn kan zirlai aia kan thawmhnaw an entawn zawk chuan kan in-enfiah a ngai khawp ang. Chuvangin hmeichhe lam chuan kekawr tight lutuk te ha loin, smart pants lam te ha zawk ila, pawnfen fual te pawh fen a pawi miah lo; a chung lam chu ‘blouse’ emaw, shirt lam ha tam ta ila. Pheikhawk lam chu tlema te lam tan ‘Wedgeheels’ emaw ‘Platform’ lam a zahawm. A nawlpui tan ballerina flats ang chi a pawi miah lo.

Kan mamawh, a bikin, hmeichhe lam, a tel loa kan awm theih loh ‘Bag’, hnathawk mite tan a pawimawh em em a. Variety hrang hrang hmuh tur a awm a, ‘Sling Bag’ ang ho hi ah a awlsam bakah, a hnawksak lo bawk a, Scooty/Bike khalh ṭhin tan phei chuan bag pangngai aiin ah a ṭha. Mipa lam tan pawh backpack ringawt i ah ṭhin kha dah ṭha rihin sling bag lo ak ve tawh la, i tunlai a ni mai. Tlema ah tur ngah deuh tan ‘Tote’ leh ‘bowler bag’ te hi ak chhuak la, fashion-ah i thawhpui te aiin i hnufual miah lo ang.

Accessories lamah chuan sawi hmaih theih miah loh kan Mizo ṭhalai ten an intih hmuh ṭan, sanate pawh incheina a tling chho em em a, Aizawlah pawh Citizen, Titan etc ṭha tak tak kan hmu a, hengtea lungawi mai lo tan internet lamah chah turin designers watch (sana) nalh tak tak thlan tur a awm reng a, kan sana bun azirin eng ang zia nge, kan dinhmun, kan nunphung thleng hian miten min lo teh nasa hle a, mahni neih baka to bun chuang loin, kan neihin a tlin tawkah mawi kan tih zawng kha bun chhuah tawh mai tur a ni

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427