‘I her dun ang’ tih a ni phawt.
Penthum lama herpui chi erawh a ni hauh lo thung!
Rocker Er. F. Sanglura hla thar thupui en mai chuan rock & roll a nih loh pawhin country rock a nih dawn hi a, ka’n han ti ngawt a… A lo nih loh-zia leh Van sanzia chu(h)!
Kan han play chiah mai a; ngaihdan a phet a, rin dan a \hiat. Music arrangment phei hi chuan min barakhaih a, min bin a, min buan a ni ber. Kan tlâwm!
Zo rimawi khawvelah hun rei tak Guitar works chawilarna bik music ngaihthlak tur kan nei lo reng kha a ni a, rock music rim nam leh kaih-hnawih lam deuh pawh nise, Mizo Guitarist te hi an inthlahrung deuh emaw ni chu aw tih theih turin, solo bik lai tih lem lohah chuan bial an hauh na ngam thin lo.
‘I her dun ang’ hla tharah hi chuan a chhin hawn phat atangin Guitar works mar tha tak a rawn per chhuak nghal a, (Drums hmahruai awm ve bawk mah se) hla châng tin tih mai turah hla thluk a rawn khalh lut nghal zar zar mai.
Guitar tone a mawi a, guitar vamp a ‘khal’ \ha.
He hla ah hian a phuahtu ni bawk, Er. F. Sanglura signature hmuh tur a awm. In hriat kha! 4/4 timing/beat mila hla phuah hi thluk mawi taka siam harsa ang-reng tak a ni fo mai. Zaipui nuam a nih thin vang leh eng emaw laia half-beat lut lehzauh thin a awm bawk nen, composer te tana awlsam deuh anga lang, pressure rit tak pal tel si a ni. Thu dang alai chuan, Drums leh bass inkhalh chho pawh hi lo chik ve teh!
Mizo hla bikah hian double bass drumming hriat leh ngaihthlak tur a tam lo a, ngaithlatute’n bengchheng emaw \ul lo an tih palh hlauhthawn vang nge ni dawn, concert a nih loh chuan drummer tha tak takte pawh hian an tlirpui meuh lo. Hetah hian timing takin Double bass drumming an dah ngam. Fak an phu e.
Sawi hmaih hauh loh tur chu, adilbs (Rap-ah kher an hmang lem lo) an tih mai- musician te’n zalen tak maia an duhdan taka huang an zauh ngam te, harmony mawi tak, high notes hmanga sak te hi Mizo hla ah chuan ‘risk’ sâng ve tak a nih theihna lai a awm. Mahse, F. Sanglura hla thar, ‘I her dun ang’ ah hi chuan hahdam leh awlsam (flawless) angreng takin an chhawpchhuak.
‘Risk’ an la lo. An duhdan takin hla leh music an her pui mai!