Tun season UEFA Champions League final khelhna tur Russia a Saint Petersburg a\anga sawn a nih dawn chuan London a Wembley Stadium sawirik a awm a, mahse Wembley hian a thlen hmel loh hle.
UEFA chuan Thawhlehni khan Russia leh Ukraine inkar boruak chu ngun takin a enthla reng tih a sawi a. A \ul a nih chuan Russia a inkhel an nghah tawh chu sawnchhuak turin ruahmanna an siam.
Russia chungah hian United States, United Kingdom leh European Union te chuan hrekna a kalpui \an a. UK prime minister Boris Johnson chu May 28 a Champions League final khelh tur hi Russia a\anga sawnchhuah duhtu zingah a tel.
UEFA sponsor tu lian Russian oil company Gazprom inkhuarna hmunpui Saint Petersburg hi kum 2021 Champions League final thleng tur kha a ni a, mahse Covid 19 avangin UEFA chuan Porto-ah hemi kum final hi a sawn.
Final thleng thei tur stadium zingah Wembley sawirik nimahsela UEFA chuan kum 2013-ah final a thlen tawh bakah 2024 Champions League final thleng tur a ni a. Final khelh hun tur kartawpah English Football League in promotion playoffs khelhna tur atan a lo ruahman tawh avangin UEFA lamin Wembley an tin zawn lo niin an sawi.
Tin, nikum July a Euro 2020 final a ticket nei lo fans ten stadium luh tuma buaina chuan Wembley buk hi a ti rit lo zual niin an ngai bawk.
London-ah nghah a nih dawn chuan West Ham khelmual London Stadium leh Tottenham Hotspur Stadium te a awm a. Ram dang khawpui zingah – Rome, Munich, Paris, Amsterdam leh Barcelona te sawi tel an ni thung.