LAR KHEL (Histrionic Personality Disorder)

  • F. Vanlalrochana

Ram pumin harsatna a tawk a. A khaw nawta mi an mangan laia ngeiawm ang reng taka lo kap ve sek \hin mihring i hria em? I hria tih ka hria.
Mi awm \ha hlè hlè, anmahni mi mal nuna an tih pangngai ang ti ve mai lai ka ‘Troll’ e lo ti ve sék chi ho phu sup sup i hmu tawh em? I hmu…
Chì bíng zâwng, a ram búng \hen ang zawng (chhim etc), thingtlang tih ang zâwnga mi dang lo kap ve sek \hin i hria em? I hria.
Thu dik a ni lo tih hre rêng chunga thu dik theh darha thu leh thlalak rintlak loh theh darh fo \hin i hria em? I hria.
Saruaka thla an lak post \hin i hria em? I hria. Social Media page hran hial neia hetiang ti \hin te hi i hria em? I hria.
Mizote hian Social Media kan han hmang tak tak mai chu, mi ang mang lo hi kan lo ngah zia a lang.
Lâr tuma khêl ngang ngang mai, ruak deuh kêng kûng thlalak leh thil dang, vantlang zînga pho lán chi lem loh pho lang a, lâr tûm leh mi rilru lak tum, mi thlir rawn ber nih tum ngâng ngâng mai hi, a phutin kan phu suau suau mai a nih hi.
Kan social media hman dan hi miin an han sawi sel a, “Ka nun a nia, ka duh duhin ka awm ang,” kan han ti pang pang a. A nihna takah chuan, FB a kan \hiante, Instagrama min zuitute hian mal lang kêng kûnga kan thlalak kan pho chhuah te, kan zu rui meng phêt te, bikini nena kan awm te, kan thu leh hla pho chhuah lei kuai tak mai te hi, like loin, tuihnih miah lo se chu, hrehawm kan ti lutuk hi, kan khua a sikin, kan tlun hluah hluah thei ang.
Histrionic Personality disorder nei hi kan kawl ta \hup emaw tih tur hi a ni a. Èng kan ti zo ta nge ni?
Histrionic Personality Disorder neite hian,

  1. Mi ngaihven bèr an nih lohnaah chuan an tui lo.
  2. An rilru puthmang/ emotions a inthlak zùng zúng.
  3. Sawisel an haw hle. An chhang let zùt zút.
  4. Mi dang ngaih danin a kaihhruai hma.
  5. Langsar leh ropui tak leh danglam taka lan an tum \hin.
  6. Mi hip tum ngawr ngawrin thil hrang hrang an ti \hin. Tute emaw na fê fê a kah te, \awngkam chhe pui pui hman te.
  7. Dawhtheihna an tlachham.
  8. An hlawhchhamnaah leh rilru natnaah mi dang an dem \ung \ung \hin.
    Thalak sexy deuhte pho chhuaka, thu dengkhawng deuh te pho langin mi ngaihven leh thlir ràwn nih an tum \hin.
    Tunge an nih pawh kan la hriat loh te hian, “Ka ngawi rei ta, ka sawi ve tawh dawn,” te hi kan han tichiam a. Tute emaw chet chhiatna chãng leh sawisel tum ngawr ngawr te pawh hi kan ang \hin.
    Ngaih dan dang dai tak mai te, thlirna mak tak te tar chhuak a, mi dang attention lak tum ngar ngar chite an ni \hin. Boruak siam tum tlat chite, engemaw riaua inhria kan ni hlawm a.
    Làr hi thil pawi a ni lo. A \ha zawng leh awmze neia lar erawh a \ha ber a. Sap ho larte chu pawisa an hmu a, an larna kha pawisa hmuhnan an la hmang tal a. Keini chuan, Kan lârna tur hian kan chhungte pawisa te hi kan tihek ta \hin a.
    Mi lâr pawisa nei lo leh pawisak nei lo kan inpel suau suau a. Kan pawisa batna te kan bihruk san tak \awk \awk a.
    Mahni talent hmanga lar tura theih tawp chhuah turin kan peih si lo, talent nei mang lo te hian mahni zahawmna hloh \hakin lar hi kan khel leh bawk si.
    Hobby-a hman mai mai tur te hi hun \ha tam tak khawh ral nan kan hmang a. Celeb chetin kan che a, kan mizia leh kan sum lakluhin a pha leh si lo. Ngaih pawimawh hmasak zawk tur kan ngaih pawimawh loh avangin kan talbuai fo a. Kan chanchin te leh kan thil dang te hi a mawi lam pang tel lem lo hi a darh phah ta \hin a ni.Pawisa nei silo, pawisak nei siloa kan lar \hin hi a pawi hle.
    Social Media kan hmang thiam lo lutuk te hi a buaithlak ngawt mai, Chhungrila takna kan mamawh zia chu a lang chiang êm êm bawk.
    New Zealand-ah mi sual pakhatin mi awm mai mai lai silaiin a kap chiam a. A thi nual. Chutah chuan, an Prime Minister Jacinta Ardern chuan he thu hi a sawi, “A hming hi kan sawi lang hlek dawn lo a. Tu nge a nih tih tuman an hre dawn lo. Mi awm mai mai lai tuin emaw a kap tih bak mipuiin an hre lo ang. Hming larna leh attention duh avangin hetiang ho hian mi an kap fo a. Keini chuan a duh kan pe dawn lo a ni,” a ti hmak. Chanchintharah pawh a lang zui lo a. New Zealand hian hetiang thil hi an la tawng leh rih lo.
    A chunglama kan sawi \hin mihringte khian khèl luih luih nih an duh a, kan khèl luih luih a. Kan ti punlunin, an rilruah mei kan tuah belh(encourage) mai mai \hin a ni. Mi ngaihven(attention) duh hrim hrim ho hi chuan pawisak an nei lo. An chanchin hi a chhia emaw, a \ha emaw, miin sawi hrim hrim se, news ni hrim hrim se an duh. Jackie Kennedy-in pasal atana a neih leh, Aristotle Onassis-a pawh kha chutiang mi chu a ni, an ti. Ani chu billionaire a ni a, a sumdawnna atan a tha a ti tlat. (A woman called Jackie – C David Heymann) Hetiang chi deuh hi Mizo zîngah pawh kan nei nual niin a lang.
    Social Media-a hetiang tih chingte chu hawisan hmak ila. Awm lo ang hmiahin ngai ila. An page/account te unfollow ila. Kan heti lutuk hi a zia theiin ka ring \hin.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427