Accredited Social Health Activist (ASHA) volunteer pawl hruaituten an lawmman batsak an nih avanga sorkara an lungawi lohna lantirna kal zelah Mizoram chhunga ASHA-te chu zenghri danna pek turah leh thil dangah che chhuak lo turin an hriattir.
ASHA volunteer pawl hruaitute nimina thukhawm chuan hun rei tak chhung lawmman an lak tawh loh avangin lungawi lohna lantirna chu an chhunzawm zel a ni tih ASHA-te an hriattir a, “Kan hma lawka zenghri danna pek turah leh thil dang dangah ASHA-te tumah che chhuak lo turin kan inhriattir nawn leh,” an ti.
Tar lan tawh thin angin, ASHA volunteer mi 1,091 chuan National Health Mission (NHM) hnuaia scheme hrang hranga an hnathawhnaah hun rei tak chhung an lawmman tur an dawn tawh loh avangin lungawi lohna lantir nan February 1 atang khan an hna an chawlhsan a, tun thlengin an hna hi an la chawlhsan a ni.