Dubai-ah Mizo boxer-te chak vek

‘India vs Pakistan’ tia an vuah professional boxing inelna Dubai a an buatsaih ah India boxer inlan paruk an chak vek a. Mizo boxer pathum – Lalrinsanga Tlau, NT Lalbiakkima leh Laldingliana ten an khingpui an hneh vek.
Golf Club Dubai a inhnekah hian preliminary card-ah Mizo boxer-te an inlan a. IBA intercontinental champion lai NT Lalbiakkima hian Pakistan boxer Fida Muhammad a hmachhawn a. A khingpui hian Biakkima kutthlak hi tuar lovin round hnihnaah knockout in a chak.
Round hmasa ber a\angin Biakkima hi a khingpui nawrtu zawkah \angin a hnek chhuak hnem a, Fida hi a inveng. Round hnihnaah Fida hian \um hnih han hnek chhuah \hat a nei a, mahse Biakkima nawrna dawl zo lovin a kut dinglamin a hnek tlu chiang hle.
NT Lalbiakkima hi professional huangah vawi li a inlanna niin a la chak vek.
WBC youth world champion Lalrinsanga Tlau chuan Muhammad Sikander Abbasi a hmachhawn a. A khingpui hi atan hmachhawn hautak tling lovin round ruk chhung a thunun a, unanimous decision in a chak.
Mizo zinga professional boxer hmasa ber Sangtea hi vawi sarih inhnek tawhin a la chak vek.
Professional boxing a a inlan vawi thumnaah laldingliana pawhin hnehna a chang a. Round li chhung Muhammad Ammar Khan hmachhawnin unanimous decision in hnehna a chang.
India boxer dang Shaikhom Rebaldo leh Faizan Anwar te pawhin an khingpuite an hneh ve ve a. Faizan Anwar hian round khatnaah Yameen Khan knockout in NT Lalbiakima nen mipui lawm an hlawh.
India tana kum 2016 Olympics a quarter-final thleng hmeichhe boxer Sarjubala Devi chuan professional boxing a khelh hmasak berah Lulu Kayage chu unanimous decision in a hneh ve bawk.

Preliminary card

Lalrinsanga Tlau (IND) def. Muhammad Sikandar Abbasi (PAK) by Unanimous Decision (6 Rounds)

Faizan Anwar (IND) def. Yameen Khan (PAK) by Technical Knockout in 1st Round

NT Lalbiakkima (IND) def. Fida Muhammad (PAK) by Knockout in 2nd Round

Laldingliana (IND) def. Muhammad Ammar Khan (PAK) by Unanimous Decision (4 Rounds)

Rebaldo Singh (IND) def. Mukhtiar Ahmad Kakkar (PAK) by Unanimous Decision (4 Rounds)

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427