Union Minister of State for Health & Family Welfare Dr. Bharati Pravin Pawar chuan Inrinni tlai khan Chief Minister Zoramthanga chu a chennaah tlawhin health services chungchanga Mizoram mamawh leh hmalaknate sawiin an inkawm.
Chief minister chuan union minister chu Mizoramin hriselna lama harsatna hrang hrang neihte leh inenkawlna tihchangtlun mamawhnate a sawipui a. ZMC tihchangtlun belh dan turte leh Mizoramin specialty hospital a mamawhnate a sawipui bawk.
Mizoram bakah state thenawm leh ramri a tawmpui ram pahniha awmte tan pawh a tangkaipui theih khawp a healthcare service tha siam a duh thu chief minister hian a sawi a. Union minister chuan Mizoram chu kawng hrang hrangah hmasawn tura theihna, potential tha tak a nei tih a hmuh belh zel thu sawiin, hriselna tihhmasawn leh inenkawlna tichangtlung tura Mizoram tan theihtawp a chhuah tur thu a hrilh bawk a ni.