Huntawp dawn lama Phil Foden-a’n goal a khung hmangin Manchester City in Premier League table chung bera point ruk a hma an hruaina an tinung leh a. Everton in penalty beiseina an neih avanga inkhel sawihlawh takah Everton 1-0 in an inhnehtawk.
Goodison Park a inkhelah Premier League champion lai hi a zawnin point an hloh dawn niin a lang hman a. Mahse Everton tlarhnung pherh avangin Foden chuan minute riat a la awmin goal a khung a, City an lawm.
Everton hian si phurh sutna tur penalty an hmu dawn nia langin City midfielder Rodri chuan penalty area chhungah ball a banin a khawih a. VAR hmanga endik niin referee in penalty a pe lo.
Everton hian minute 90 chhunga inkhelah City hi an hlau lova, first half-ah a nawrtu zawk an ni fova, second half-ah erawh City an langsar a. Everton goalkeeper Jordan Pickford chuan save \ha vawi engemaw zat a siam a ngai.
Inkhel zawhah Everton manager Frank Lampard chuan, “Kan inkhel entu tupawhin penalty a ni lo an ti lovang, hetiang thutlukna hi a awm tawh loh nan engemaw tih chu a ngai. Minute hnih chuang endik hnuah a ban a phar chhuak a, chu chuan ball a vai thla. Ka fanu kum thum mi pawhin penalty a ni tih a sawi thei ang.” a ti.
Record siamtu Kane+Son
Tottenham manager Antonio Conte chuan tunhnaia an chet fuh hleihtheih loh avanga ban mai a inpeih thu a sawi hnuah Leeds United lakah 4-0 in hnehna an chang a. An tan bul \an \hatna a nih a \ul thu a sawi.
Elland Road-ah Spurs in result an mamawh tih hria in khelmual an lut a, minute 10-naah Ryan Sessegnon thawhrah a\angin Matt Doherty chuan club tana a goal hmasa ber a khung.
Dejan Kulusevski leh Harry Kane ten first half-ah an chhunzawm a. Second half-ah Kane-a’n Son Heung-min goal khung tur a siamsak leh a. An pahnih a inkawp a goal 38 an khungna niin Frank Lampard leh Didier Drogba ten an chelh reng Premier League record chu an khum.
Conte chuan, “Inkhelh chhung zawng khan chak tuma beihna thinlung ka hmu a, kha kha thil \ha a ni.” tiin a naute inkhel a thlirlet.