Memphis Grizzlies star Ja Morant chuan NBA a player hmuhnawm berte zing ami a nihna a lantir leh a. San Antonio Spurs lakah Grizzlies record siamin hnehna a chanpui.
Thawhlehni zingah kum 22 mi Morant hian point 52 a sore a. Grizzlies tan regular season inkhela point score hnem ber record a lo siam tawh chu khum lehin 118-105 in Spurs lakah an chak.
Spurs lakah hian Morant a che pui fal a. Ball vawi 30 a shoot a\ang vawi 22 a lut a, hei hi Grizzlies record thar a ni ve bawk.
Halftime hma in ‘poster dunk’ pui tak mai a neih hnuah second quarter zawh dawnah Steven Adams-a’n an basket bul a\anga ball a vawm chu an khingpuite lamah boruakah a dawng a. Huntawp hamrik rik rualin boruak a awm chungin a vawm lut.
Spurs coach, NBA a coach ropui ber zing ami Gregg Popovich chuan Morant hi fakin, “Player hmuhnawm a ni a, basketball mawi a khel. A baka han fak belh vak dan tur pawh a awm lo. A che a rang a, a zuang sang a, a taksa in a zir em avang chauh hi a ni lo. Mi zawng zawngin a pian phung leh taksa an fak a, a chet ran te an sawi \hin. NBA player la awm ngai lo ang mai a rang a nih an sawi \hin. Mahse inkhelh laiin thutlukna siam sual a nei ngai lova, inkhel kaldan a hre hle. Hetianga taksa lam leh thluak hman kawp thiam hi chuan mi bik hi an lo chhuak \hin.” tiin a fak.
Grizzlies an chak avangin Popovich-a’n regular-season coaching hnehna record dinglai a tluk tur chu an dang rih bawk.