EDITORIAL 4/3/22


Dik lo do ngam turin pawl thar kal zel rawh se

Mizoram siamthat duh a intelkhawm, mi thahnemngaite chuan pawl dinin, Mizoram chief secretary hlui Lalnunmawia Chuaungo hoin ke an rawn penchhuak a, mipui a duh apiang tel turin an sawm nghal bawk.
He an pawl din, Mizoram First’ Movement (MFM) tia an sawi hian a huamzau dawn khawpin a lang a, a pawl dintute pawh kawngzawh inang lo theuh an ni bawk. Thahnem an ngai a, an huamzau a, hmalak zauh an tum hle bawk. An hmalak chhohna kawngah pawh an chak viau a rinawm bawk a ni.
An pawl president chuan Mizoram First Movement chu kohhran, sorkar hnathawk, political party hrang hrang mi leh sa te, sumdawng, kut hnathawka eizawng, zirlaite leh Mizorama pawl hrang hrang bakah mi mal lenna tur forum a nih thu a sawi a, an huang zauh an tum hle.
Kan hriat angin kan ramah corruption in nasa takin zung a kai a, dan dik lova thiltih tam tak a awm a, ngawih bo pui mai mai a ni nasa tawh hle. Auchhuak ve thin mah ila, mi thiltithei erawh nih loh chuan kan buai tho tho thin.
Tunah MFM dingin, nasa zawka hmalak an rawn tum chho ta hian mi tam tak phurna a thlen ngeiin a rinawm a, chak tak leh huaisen taka hma lain, dik lo chu do ngam zel se, an huang pawh zauh deuh deuh zel thei se a tha hle mai.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427