Land Revenue & Settlement Department changtu minister, Lalruatkima chuan Vairengte-Sairang inkar four-lane kawngpui siam turah hian compensation pek tur zat hriat theih a la nih loh thu house a hrilh.
ZPM legislature party member Vanlalhlana zawh belhna chhangin NHIDCL-in Vairengte leh Sairang inkar four-lane kawngpui a siamah a siamtu, NHIDCL-in surveyor an neih loh avangin LR&S dept-ah an dil hnua pek mai thin a nih thu sawiin, “NHIDCL-in an aiawh latu tura kal a ruatte hi ram acquire-tu an ni a. Anniin assessement an ti vek a. Mi tam takin sorkar ram lak emaw ti pawl an awm a. Compensation hi Mizoram sorkar pek tur a ni lo,” a ti.
Compensation a pek tur hi Mizoram sorkarah report a la thehluh loh avangin a zat hriat theih a nih loh thu a sawi bawk.
Compensation hmu turte chu notified town khuate survey village-a puan a nih hmaa village council-in pass a lo pekte village perimeter chhunga a lo pek a lo awm a nih chuan LR&S dept competent authority-in a pek ni lo pawh valid anga ngaih loh theih loh a nih thu a sawi a. “Village perimeter chhunga in hmun kha a ni mai,” a ti.
“Assessment-ah NHIDCL hian a sang an ti a. Keiniah an rawn thlen a, hemi chungchangah kalphung a awm a, price determination kan en hnuah a dik chiah lo a nih hi tiin ennawn leh turin kan ti mai chauh a ni,” tiin, compensation hmu turte chu portal-ah thun vek ni mah se kala rate fix san lutuk avangin NHIDCL-in a pawm loh thu a sawi bawk.