Hripui len chhoh tir lama Dua Lipa hla hit tak ‘Levitating’ chu band dang hla a rûk nia thubuai siam a ni ta a, Lipa tan buaina lian thleng thei reng a ni.
British pop star hla leh 2017 a tihchhuah Artikal Soung System hla, ‘Live Your Life’ a inzul hle nia sawi a ni a, phalna leh remtihna awm miah lova heti anga in copy hi thutling a nih chuan hremna na tak a pek theih. Band thu-chhuah siamah, ‘Levitating’ hi an mahni ir awm chhuaka siam a nih theihna a tlêm hle’ an ti.
An sawi zel danin, Dua Lipa hian an hla hi tunhma deuh khan a lo ngaithla tawh a, chutih rualin inbiakna emaw indawrna hranpa engmah awm lovin, a reh zui. ‘Levitating’ hla phuahtute- Clarence Coffee Jr, Sarah Hudson, Stephen Kozmeniuk leh producer Stuart Price te’n an hre thawi ngeiin an hre bawk.
Artikal Sound System band hi Florida-a inkhuar niin, reggae an hrût deuh bik a, an hla/music thlûk an ru ngei nia a lan vangin Court-ah zual kovin, thu tlinga ngaih a nih chuan Dua Lipa pawh hian he thubuai hi a hmachhawn ngei dawn a, a insawifiah dan tur hriat a chakawm.
‘Levitating’ hi Dua Lipa album pahnihna, ‘Future Nostalgia’ album ami niin, UK singles chart-ah pa-ngana hauhin, US Billboard Hot 100-ah pahnihna a ni.