EDITORIAL 5/3/22


Hri leng hmachhawn thiam tura inbuatsaih zel a hun e

Zirna in hawn a ni thei tep a, school session thar atangin offline-a kalpui tum a nih thu Education minister in house-ah a sawi tawh bawk nen, nu leh pate pawh kan lo inruahman thiam chhoh zel a tha awm e.
Kan sawi fo thin angin hri leng reh hun tur a hriat loh a, eng chen nge min chenchilh dawn a hriat miau loh avangin hna kal lai leh kan nunphung thlak hret hret chunga hmasawn zawnga ke kan pen hi a tul a, tuna zirna in hawn leh tuma ruahmanna awm pawh hi fimkhurna nen ni thei se la, chutianga fimkhurna tur hrang hrang pawh chu zirna in a thawkten an lo siam thiam zel a tul bawk.
Sorkar school a lun chho telh telh nia minister in a sawi pawh hi ngaihtuah zui ngai tak a ni. A lawmawm a, tak tak a nih ngei pawh ring ila, sorkar school hi a tha tawk a ni tih kan hriat a, zirtirtute pawh inthlahdah lova an kal zel a, thahnem ngai leh tang taka zirna an kalpui chhoh pawh a tul awm e.
SEDP hnuaiah zirtirtu lak an ni leh dawn a, heng SEDP zirtirtu lak turah pawh hian dan dik taka lak ni chhoin, induhsakna uchuak awm lo se la, sorkar in ama dan siam ngei hmangin, tehna hrang hranga tling ngei la bawk se la, trained teacher lak ngei tumin lo inbuatsaih lawk ngei bawk teh se.
Hri leng hmachhawn a, fimkhurna vawng uluk chungin zirna in kalpui ni chho leh ngei mawlh rawh se.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427