Premier League champion lai Manchester City in an hnuai chiahah Liverpool in ngawrh takin an um tih an hria a. An champion lallukhum chuhpuitute lakah hlawhtling tur chuan an beih fe dawn a ngai tih lantirna \ha tak ni turin an hmelma Manchester United lakah league pum vaukhanna thawm ring tak chhuah theihna hun an nei dawn.
Naktuk zanah Etihad Stadium-ah Manchester derby khelh turah hian club pahnihte boruak a dang a. Mahse a inkhel boruak san dan tur erawh a ngai reng.
League table-ah point 19 in an inthlau a, an innkar pawh a zau. City in Liverpool tlansan an tumlaiin Manchester United in a sang pali zinga tel an tumna chu chhawm nun leh an tum dawn.
Champion tum City
An inkhel hnuhnungah City lamah vanneihna a \ang a, Everton an hnehna kawngah an khingpuite chetsual bakah referee tihsual an vanneihpui.
Michael Keane-a inthlahdah avangin Phil Foden-a’n goal a khung a, hemi hnuah Rodri handball an ham loh avangin referee hotu Mike Riley chuan Everton hnehna thupha a chawi hial.
Vanneihna piah lamah City hian football mawi an khelh karah a \ul a nih chuan result an sual chhuak thei tih an tilang fo tawh.
Premier League-ah mahni mual a goal khung tam pahnih zingah telin goal 36 an khung tawh a. Etihad a inkhel hnuhnung pariat a\ang vawi sarih an chak a, a hnuhnung berah Tottenham in an barakhaih.
Tunhnaiah erawh Manchester United an mikhual \uma an record a \ha lova, hei record duhawm lo hi siam\hat theihna hun\ha an nei.
Ze hnih nei United
Manchester United in UEFA Champions League-ah inkhelh hautakna Wanda Metropolitano a\ang draw result an hawn a, an lawm. Mahse a hnua an inkhel leh hmasa bera an draw result neihah erawh an lawm lova. 19-na a awm Watford lakah goal an khung thei lo.
Ralf Rangnick-a hnuaiah United hi tlarhnungah nghet zawk mahse a hma lamah an hriam lova. Inkhel an thunun hle chungin an chak zo ngai lova. Goal an chhuah leh \hin bawk.
City lakah ‘counter-attacking football’ an hlawhtlinpui \hin a, tun \umah hian hlawhtlinpui leh turin ‘counter-attacking team’ an ni tawh lo.
Tute nge inlan ang?
Manchester City in defender pahnih Nathan Ake leh Ruben Dias te fitness an thlir uluk a. FA Cup a Peterborough an khelh \umin anni pahnih hi lakchhuah an ngai.
Zack Steffen leh Cole Palmer inhliam an nei bawk a, a bak erawh an dam kim.
Jack Grealish leh Gabriel Jesus te an dam chiang tawh a, tlarhnungah United forward tlanchakte hmachhawn turin Kyle Walker dah luh a ni thei dawn.
United lamin striker Edinson Cavani an la chhawr thei dawn lova, midfielder Scott McTominay erawh a dam tawh niin a lang.
Watford laka goal an khung theih loh avangin Jadon Sancho tan hmun a awm a rinawm a. Tlarhnungah captain Harry Maguire chu tihsual a ngah avangin a khelhpuiten an ring vak lo niin thu a thang a. Watford lakah pawh chhawr a ni tawh lo.