Los Angeles Lakers season chu a buai zawngin a kal thui telh telh a. A zawna vawi li an tlawmna turin an \henawm team Los Angeles Clippers lakah 132-111 in an tlawm.
Cryto.com Arena a inkhelah hian Clippers hi an chungnung hle a. Second half \an tir lamah chhanlet miah lovin point 23 an score hman a. A zawna vawi nga hnehna an channa niin an star player pahnih Kawhi Leonard leh Paul George te an la chhawr thei lo chungin Lakers an ngam hle.
Clippers tan Reggie Jackson chuan point 36 score in assist vawi 9 a nei a. Ivica Zubac chuan point 19 a thawh ve thung.
Lakers tan LeBron James chuan point 26 a score a. Russell Westbrook chuan point 17 score mahse vawi 16 shot a\ang vawi sarih chiah a lut a. Lakers in team \ha an la rem fuh thei lo.
Season \an tira an upat lutuk bakah an lakluh thar Westbrook chu team mamawh a ni em tih zawhna awm te season tawp lamah chhan a ni mek a. Mi \henkhat chuan tun season playoffs thlir lovin season thar an thlir tawh niin an ngai.
Golden State Warriors pawhin Draymond Green inhliam an la tuar chhunzawm a. Luka Doncic chu dang zo lovin point 41 a score zanah 113-122 in an tlawm a. Warriors hi a zawnin vawi thum an tlawmna a ni ve thung.