Rural Development Minister Lalruatkima chuan nimin khan Nghalchawmkaia lei (foot suspension bridge) dawh mek tlawhin a endik.
Sihmui leh Nghalchawm inkalpawhna tura Nghalchawmkai-a lei dawh mek hi Tlawng kâna dawh niin, SEDP 2019-2020 hnuaia Rs. 30,40,000 senga dawh tura ruahman a ni a, Reiek R.D. Block hnuaia awm a ni.
Tuna lei dawh sa hi a hlui tawh avangin a aia tha leh tlo zawka dawh tum a ni.
Lei hi metre 70-a thui tur niin tunah hian a foundation siam zawh tawh a ni a, anchor block khawih mek a ni a. A sakna hmanraw chi hrang hrang – rod, balu leh a dangte pawh endik a ni a, ruahman lawk sa ang thlap veka kalpui a nih thu RD Department engineer-ten an finfiah nghal a ni.
RD Minister Lalruatkima chuan lei dawh mek chu a nih tur ang taka tha tak leh mipuite pawhin tangkai taka an chhawr theih, an rin ngam tura sak a nih tur thu a sawi.
Lei panna pawh lirthei kal theih tura siam dan tur ruahmanna a siampui nghal a ni.
Sihhmui Community Hall sak mek leh Sairang VC Hall sak mekte leh Sihhmui leh Sairanga RD depratment hmalakna kal mekte Lalruatkima hian a en nghal bawk.
Minister hi Aizawl West-I bialtu MLA Zothantluanga bakah Rural Development department ten an tawiawm a ni.