Kum 21 zet thawh ho hnu ah John Mayer leh Columbia Records an inthen ta a, music thar danglam siam a tumna ah Mayer hian a hranga kal a tum ta.
Columbia Records nena an thawh dun chhung zawnga album pariat tichhuak thei chuan, “Kum 21 hnu ah, album pariat leh mimal bakah thil thar siamna kawnga thawhhona duhawm a awm hnu ah Columbia Records nena recording inremna thar ziah tawh loh ka tithlu ta a ni,” a ti.
Hun rei tak thawh hona kalsan tawp mai chu atan a harsa hle a, chutih rualin, rimawi thar dang siamna tura hmun thar hlak mamawh nia a inhriat bawk si avangin hreh tak chungin a kalsan.
“Thil dang zawng aiin music ka ngaina a, ka kutchhuak tha ber ber turte pawh a lo chhuak dawn chauhah ka ngai a ni,” tiin kum 44 mi Mayer hian a sawi.
Columbia nena kum 21 an thawhho chhunga hlawhtling taka album pariat an tihchhuah te chu- ‘Room For Squares’ (2001), ‘Heavier Things’ (2003), ‘Continuum’ (2006), ‘Battle Studies’ (2009), ‘Born And Raised’ (2012), ‘Paradise Valley’ (2013) leh ‘The Search For Everything’ (2017) a ni.