Los Angeles Lakers star LeBron James chuan a zawna vawi li an tlawm lai titawp turin a team khaichhuak turin mawhphurhna a kutah a la a. Point 56 score in Golden State Warriors lakah 124-116 in hnehna an chang.
James hian vawi 31 a\ang vawi 19 field goal a lut a, kum 2018 a Los Angeles a pan hnua inkhel vawikhat a point a score hnem ber \um a ni.
James hi NBA chanchin a point 55 chuang score a rebound 10 chuang la thei upa ber a ni a. Michael Jordan, Kobe Bryant leh Jamal Crawford te hnungzuiin kum 37 tlin hnua inkhel vawikhat a point 50 chuang score thei palina a ni bawk.
NBA a luhchilh hnuah point 50 a score tlin vawi 13-na a ni.
Lakers hi tunhnai game 15 chhunga vawi li an chakna chauh a ni a. Inkhel zawhah James chuan, “Tunah tak hi chuan point 56 ah hian ka buai lo. Hnehna kan chang hi ka lawm a, a bak ka ngaihtuah lo.” tiin a sawi.
Warriors tan Stephen Curry chuan point 30 a score a, anni hi a zawna vawi li tlawm tawh thungin West lamah pathumnaah an tla thla.
Inkhel dangah East team \ha Miami Heat tan Tyler Herro leh Jimmy Butler ten point 21 ve ve an khung a, Philadeliphia 76ers 99-82 in an hneh.