Mizo football club Aizawl FC chuan vawiin chawhnu dar 2 hian Hero I-League a an match thumna an khel dawn a. Rajasthan United FC nen an inkhel ang.
Aizawl FC hi an match hmasa pahnihah Real Kashmir leh Mohammedan SC te hmachhawnin 3-2 leh 2-0 in an tlawm tawh a. Naihati Stadium-ah Rajasthan United lakah an point hmasa ber hmuh an tum dawn.
Head coach Yan Law chuan, “League season \an tir lam chauh a la ni a, hei vang hian season hlawhtling tak kan la hmang thei tih ka hria. Bul \an \ha lo mah ila a tawp kan khar \hat a pawimawh.”
“Tum kan nei a, hemi tihlawhtling tur hian ka naute hi ka ring tawk. Tunhnaia kan inkhelah pawh midangte el turin an \ha tawk a ni tih an lantir tawh a, result-ah kan vanduai \hin mai a ni. Khelmual chhung leh pawnah engkimah an thawkrim a, hei vang hian an chungah rinna ka nghat a, anmahni pawh an inringtawk a, beisei ka nei sang hle.” tiin a sawi.