Italian MotoGP rider Enea Bastianini chuan tun season intlansiak hmasa berah pakhatna a luah a. Bike intlansiakna sang berah a vawikhatna atan hnehna a chang.
Losail International Circuit a tlan Qatar Grand Prix-ah hian kum 24 mi hian intlansiak hun tam zawk chhungin Pol Espargaro um mahse a tawp dawn lamah Spanish rider hi a tlan pel a. Espargaro hian tihsual nei zuiin South African Brad Binder chuan pahnihna hauh turin a lehpel bawk.
Bastianini hian 125cc world champion hlui, an team Gresini Racing MotoGP dintu Fausto Gresini tan a hnehna hi a hlan a. Nikum khan kum 60 mi niin Covid 19 avangin Gresini hi a thi. “Intlansiak laiin van a\ang khan tlanchak turin min lo nawr nasa.” a ti.