- Robert Zoliana
Naupai hi a awlsam ang huin, beih fat fat ngai a nih theihna chen a tam zawk thin. Chanchin lawmawm dawng tur chuan ngaihtuahna sen a, kawng hmang hriat a, remchanna zawn thiam a pawimawh.
Naupai theih hun chhung hriat chian a, hman tangkai a nih chuan awlsam angreng taka pai theih a ni lawi bawk.
Naupai nghal mai emaw naupai thuai tum te tan heng te hi rilru-a vawn reng a tha awm e:
Test/check-up neih \hat, Ovulation hriat chian
Naupai tumna a awm tawh chuan a pawimawh ber chu naupai theihna tur kawnghmang leh kalphung hriat chian hi a ni a, dal theitu leh tibuai thei tur ang te chu pumpelh ni se. Tin, a tul dan azir a, folic acid, naute hrisel leh pian tha neih theihna tur atana vitamin supplement thleng-in ei tan a pawimawh ang. Pawimawh dang leh chu, tui chhuah hun (ovulation) hriat chian hi a ni a, mihring azirin period hun hi a in-ang lo thei a, chuvang chuan thi neih atanga chhiar a, ni 11-16 inkara nupa nun hman a nih chuan naupai theihna ‘chance’ a sâng hle. I thi neih hunbi kha tha taka chhin chhiah a, hemi hun chhunga hlim tak leh in-duat taka nupa nun hman ngei in tum dawn nia.
Position a ni ber lo
I lo hre tawh thin ang a, nupa nun hmannaa position pawimawhzia leh kawngro a sut dan nia an sawi te thlengin! Mahse, a nihna takah chuan, position hian awmzia a nei hran lo. Naupai theihna remchang position lah a awm tak tak bawk hek lo. Chutih rualin, ding chungin emaw thu chunga nupa nun hman hian cervix awmdan a tihdanglam theih avangin mipa chi luh theihna turah a tibuai thei tih erawh hriat te a tha.
Ke van vawr ni lovin, khuma mut zal
Hei pawh hi thenkhat chuan tak tak emaw an ti fo a, nupa nun hman zawh hnu-a ke van vawr deuha awm hian naupai theihna kawng a tizau, tih a ni. Hei hi an sawi fo thin. Mahse, a ni lem lo. Nupa nun hman zawh hnu-a che vut vut lem lova, hahdam taka khuma minute 10-15 vel mut zal hian mipa chi-in a zinkawng a zawhna turah remchanna tam tak a thlen tih i hre dawn nia. Bathroom-a va intih fai nghal mai te, taksa chetna lam hawi neih/tih nghal rum rum te a chi loh hle.
Nupa nun hman \hat
Ovulation hun lai hian in nupaa harsatna in neih lem loh chuan nupa nun ‘regu’ taka hman tum ang che u. A lutuk erawh a tha chuang lova, mamawh chhanna a thlen hek lo. Chutih rualin, nupa nun hman \hat hi taksa hrisel nan a \ha em em a, hun remchang insiam tawn thiam a ngai hle. Tin, mipa chi leh hmeichhe tui hrisel tur chuan thil chin \ha lo hrang hrang te bansan a, nunphung pangngai leh hrisel neih a \ul hle bawk. Mobile phone hman nasat te thlenga insum tur a ni.