Barcelona chuan Chelsea defender Andreas Christensen chu free transfer a lakluh ngei an tum a. Ngaihventu dang Bayern Munich sawmna aia \ha zawk a player duh hi an zawrh.
Catalan club insiam\hat tum mek hian Christensen hi kum 2027 thleng daih tur contract an zawrh a, hmun \henkhat a sawi danin Bayern Munich leh a khelh mekna Chelsea ten contract an zawrh aiin a hlawh a \ha zawk.
German champion lai hian kum 25 mi aiawh hi tunkarah inbiakna an neihpui dawn a, nipui a Borussia Dortmund pan tur Niklas Sule thlaktu atan an duh.
Kum 16 mi lek ni a an ram club Brondby a\anga Chelsea zawmtu Christensen hi a club nen kar khata Pound 140,000 hlawh turin inremna a thuphungin nei hman mahse an ziak fel thei lo.
Club lamhnai \henkhatte chuan player lam hian phut an neih belh niin an sawi a. Hetihlai hian player lamin club nen agent fee chungchangah inremna an neih theih loh thu an sawi ve thung.