A thupui inghahna
Ukraine mipuite’n Russia nawrna leh nekchepna hrang hrang an chhanlet dan hi he film thupui innghahna leh a tum ber chu a ni a, hei bakah hian Ukrainina sorkar-a corruption hluar dan te nen lam a phawkchhuak ve tho a ni. Russian sipaite propaganda hrechiang duh tan paw’n mamawh chhanna dik tak a ni bawk.
A tak ram nun
Zalenna famkim nei tura Ukraine mipuite’n an nitin nun thlenga an hlan dan te a lang a, an mahni runtu Russian ho laka airport an humhim dan te, sorkar sipaite’n hmeichhe chanchinbumi pakhat kut an thlakrawn dan te hmuh theih a ni dawn a, Ukraine-a thil thleng hmuh nuam lo leh ngaihthlak herhawm takte pawh a awm.
Historical thlirna atangin
Russia-in 2014 kuma Crimea a chhuhsak mai ni lo, ‘Orange Revolution’ thleng ta pawh kha fiah taka tarlan a ni. Russia sorkar uite ang hiala ngaih, president hlui Viktor Yanukovych duh lohna thlipui na tak, rampuma a tleh huk dan te pawh i thlir thei dawn a, he revolution nghawng chhuah thil danglam tak tak hlui i ni bawk ang.
A taka indona tilang
Tharum thawhna leh indona in a thlen chhiatna chi hrang hrang, video hmanga a rûk leh a lang a paua lak chikim tak i hmu thei dawn a, tual-chhung mite leh rampawn lam mithiam langsar tak takte ngaihdan i \awmpui dawn em, tih erawh chu i en hnu-ah nangmahin thutlukna i siam zui nghal mai dawn nia.
Cinematograpby hmuhnawm leh tun dinhmun phawkchhuak thei
Oscar award vawi thum lai dawng tawh Mark Jonathan Harris leh Ukrainian director Oles Sanin te siam, ‘Breaking Point: The War for Democracy in Ukraine’ documentary-ah hian tunhmâ zawnga Russia-in kawhmawh a lo bawl dan leh hun lo la awm tura ruahmanna a siam te nen lam chiang kekkawkin i hmu thei ang.