Inkhelh a chawlhsan thu a puan a\anga kar ruk hnuah NFL player ropui Tom Brady chuan a inkhelh leh tur thu Thawh\anni zing khan a puang a. Season 23-na atan tun season-ah NFL-ah a inkhel leh dawn.
American football inelna lian ber National Football League a player hlawhtling ber Brady hian thla hmasa khan inkhelh a chawlhsan tur thu hi a puang a. Kum 44 mi hian Super Bowl-ah vawi sarih champion in a duhtawk thu a sawi.
Nimahsela a chawlh hnu reilote a\angin Brady hi a kir leh dawn nia titi a tam zui hle a. NFL chanchinbumite bakah ama lamhnai a\angte in kir leh mai a hnaih niin thu a thang
Brady chuan social media kaltlangin a team Tampa Bay Buccaneers tan a khelh leh tur thu a sawi a. “Tunhnai thla hnih chhungin khelmual chhunga ka hun a la tawp lo tih ka hria a, inkhel entu ka nih a la hun lo. Ka chawlh hun chu a la awm ang, mahse tunah a la ni lo. Ka teammate-te hi ka ngaina a, min phurpui tlattu ka chhungte ka hmangaih a, anni vang hian ka lo kir leh dawn. Tampa-ah hian hmachhawp zawh loh kan la nei, ka season 23-na hmang turin ka rawn kir dawn.” a ti.
Brady hian tun NFL season liamta khan Bucs hi Playoffs-ah Divisional round a hruai thleng a, champion zui ta Los Angeles Rams lakah a ‘comeback’ pui teuh hle.
Tun season-ah NFL a khelh chhunga passing yard a neih hnem ber \um (5,316) neiin Most Valuable Player thlannaah vote hmu hnem ber pathum zingah a la tel pha.