Aizawl: Mizoram sorkar flagship programme SEDP hnuaia board hrang hrang 14-ten kum khat chhunga inenkawl nan Rs 2,97,38,170 an hmang ral.
Assembly Budget Session neih zawh taka INC member Ngunlianchunga zawhna, Finance changtu, Chief Minister Zoramthanga chhan danin, SEDP hnuaia board hrang hrang zingah School Education-in sum hmang tam berin, thla khat chhunga inenkawl nan Rs 68,16,650 an seng ral a. Chief Minister Zoramthanga chan department pahnihten dawtin, PWD-in Rs 40,68,000, Horticulture-in Rs 40,67,680 a hmang ral bawk.
Heng bakah hian Agriculture-in Rs 36,56,000; Sports & Youth Services leh Commerce & Industries-ten Rs 25,14,000 ve ve; H&FW leh LESDE-in Rs 20,34,000 ve ve leh Land Resources, Soil & Water Conservation-in Rs 20,33,840 an hmang ral a. Hetih lai hian Minister Dr K Beichhua department chan pahnih, Social Welfare leh AH&Vety department leh LR&S department thla khata inenkawl nana an hman ral zat tar lan a ni ve lo thung.