Huntawp dawna hun pek belh minute thumnaah Alexis Sanchez chuan Inter Milan tan goal a khung a, an tlawm tur daltu ah \angin Torino nen 1-1 in an inhnehtawk.
Pathianni zana inkhel result hian Serie A champion inchuhna a sawi danglam a. Champion lai Inter Milan hi pathumnaah an tla thla.
Turin khawpuiah Italy champion an lenglut a, an elpuiten tun kartawpah hnehna an chan vek avangin an tan chak a pawimawh. Stadio Olimpico Grande Torino-ah beisei angin bul an \an lo chiang hle a. Minute 12-naah Brazilian defender Bremer chuan Torino goal a khung.
Inter in tun season-a an zia an chhuah a, chance \ha an neih an khung hleithei lo. Mahse minute 83-naah substitute Sanchez-a’n goal khungin point khat a hmuhpui.
Inter coach Simone Inzaghi chuan, “Scudetto chawi tur hian inkhel hmachhawn turin inbuatsaihna \ha nen kan inpeih a ngai. Season kallaiah inhliam avangin kim loh nasat te awm mahse chhuanlamah kan hmang thei lo. Inter kan ni a, hei aia \ha hi kan lantir tur a ni.” tiin a sawi.
Pathianni zanah Napoli in hnehna pawimawh an chang a, 2-1 in Hellas Verona hnehin Inter Milan hi an lehpel a, pahnihnaah an \hu mek. Partenopei tan hian striker rinrawl Victor Osimhen chuan goal hnih a khung.