Ruihhlo do tura kan zavaia kan tan tlan a ngai tawh
Hmun hrang hrangah ruihhlo man thawm hriat tur a awm leh fo ta mai a, heng ruihhlo mante hi khawchhak lam atanga lo lut an ni tlangpui bawk. Thenawm Myanmar ramin buaina an tawh avangin kan ram chhungah pawisawi lo nunau tam tak an rawn tlanchhia a, sorkar leh mimal tinin theihtawpa that kan chhuah a, kan tuamhlawm laiin, kawng danga remchanna lo zawng a, ruihhlo tawlhna hun tha lo zawng ve phettute hi an huatthlalaawm a, uluk leh fir zawka ruihhlo tawlhruk ven hna thawh hi a ngaih phah hle.
Ruihhlo hi do rem tak tak chu a har ngei ang, mamawhtu an awm miau chuan supply tu pawh an awm zelin a rinawm bawk. Chutihrual erawh chuan mitinin heng dan lova sumdawng leh ruihhlo tawlhtute hi kan thawhpui loh thiam a, tlawmngai pawlte pawh rim zawka duty an insiam hi a hun tawh hle.
Sorkar lam pawhin an mi leh sa, an sipaite chakna ringin khawng theh thawhin ven hna thawk se la, ruihhlo vanga mante hi chhuak lawk thei lo turin hremna dan siam bawk se la, thla hnih thum hnua chhuak leh dawn tih inhresa rana man huama thilti duh pawh an awm tawh ania!
Thenawm ram atanga lo tlanchhiate pawhin sorkar leh kohhran duh loh thil titute manchhuah kawngah theihtawp chhuah se la, an hmel tibal theitute chu an zinga awm tur pawhin duh lo se a tha ang. Kan zavaia ruihhlo tawlh do tura kan tanrual tlan hi a ngai tawh tak zet a ni.