Chak tura rin hlawh zawk an ni chungin Ajax Amsterdam in an tih tur an ti thei lova. Chance nei \ha chungin 1-0 in an mualah Benfica lakah an tlawm.
Amsterdam a Johan Cruyff Arena a UEFA Champions League round of 16 inkhelah Benfica lakah Ajax in goal khungna remchang nei nual mahse an khung thei lo. Inkhel tawp dawnah Benfica striker rinrawl Darwin Nunez chuan a tawrh tir ta ngei a, minute 77-naah Alex Grimaldo freekick vawrh luh chu Uruguay striker hmabak eng tak hian goal-ah a tauh lut.
Ajax in an mualah inkhel an thunun a, an goal thun khawl Sebastian Haller chuan inkhel \an tir lamah goal khung mahse Dusan Tadic offside avangin pawmsak a ni lo.
Mahni mualah ball thunun mahse Benfica tlarhnung an ding khawng ve tlat a. Portuguese club tan tlarhnungah veteran centre-back Nicolas Otamendi leh Ajax player hlui Jan Vertonghen te an khel\ha.
Vertonghen hian Benfica tan goal hmahruai a tauh lut teuh a, mahse mikhual team hian goal ven an dah pawimawh hmasa a, set piece a\ang bak goal thun tumna an nei lo.
An tumdan erawh an tihlawhtling a. Kum 22 mi Nunez-a’n tun season a a goal 26-na a khung a. Benfica in kum 2015-16 season hnua a vawikhatna atan Champions League quar5ter-final an khel dawn.
Benfica defender Nicolas Otamendi chuan, “A huhovin kan goal ven dan a fakawm a, kan khel\ha. Ajax hian player \ha tak tak an neih avangin an tana hmunawl kan siam miah loh kha a pawimawh hle a ni. Goal kan neih hnuah kan inven a pawimawh lehzual a, kan hlawhtling hi ka lawm.” tiin a sawi.