Congress party President Lalsawta chuan central lamah Congress party che chhe deuh mah se, Mizoramah erawh nghawng a nei dawn lo tih sawiin, “Central lama kan party chet chhiatna hi Mizorama Congress party hruaitute chuan chonaah kan ngai a, kan phur tulh tulh,” a ti.
Lal Thanhawla Auditorium-ah Trainers’ Training Programme nimina an buatsaihah thu sawiin Lalsawta hian, “MPCC chuan AICC Constitution ring loin, constitution hran a nei a, central Congree nen tih dan phung leh kalhmang tam tak a danglam a ni. Chuvangin, central politics leh Mizoram politics hi a hrang hlak a ni,” tiin, centrala an party chet chhiatna chu chonaah an ngaih thu a sawi.
Kum 2023 inthlanpui lo awm turah tuna Congress MLA panga an neihsa te’n an bial vil a, midang tan bial vil bik neih a rem lo tih sawiin MPCC President hian, “Mahni mimala bial vil hian sum hmanga campaign a hring \hin a, chu chuan MLA te a hnuah mipui chai-ai mahni mimal sum siamna a hring \hin,” tiin, hetiang a thlen lohna turin MLA ding sate bial vil bak bial 35 hi chu party mipuiin hneh taka an vil thu a sawi.
Lalsawta hian sorkar \ha mamawh em em Mizoram mipui, mi retheite leh \halaite dinhmun siam leh khai chhuah hi an kuta a awm thu a sawi a. “Mizoram mipui mamawh chu sum ni loin sorkar \ha leh rintlak a ni. Sorkar \ha pe tur hian Congress party hi mawhphurtu kan ni,” a ti.
|hat loh theih lohna bawm chungchang sawiin, “Sual theih lohna bawm a ni lo; ‘|hat loh theih lohna bawm’ chu system dik hi a ni,” Lalsawta hian a ti bawk.
|hat loh theih lohna bawm chhuahtu (publisher) Hachhek bialtu MLA Lalrindika Ralte pawhin thu sawiin, “A ziaktu Pu Lalsawta ngaihtuahna hi Pathian a\anga chhuak niin ka hria. |hat loh theih lohna bawm lehkhabu hian ram leh hnam tana inpe turin min phut a, party ang pawha ram leh hnam tana in pe turin min phut a ni,” tiin, chutiang tura midang te tana malsawmna a nih ngei a beisei thu a sawi.
Congress MLA Lalrindika Ralte chuan, tun hnaiah Congress party ngaihdan danglam leh mawi tak a hmuh thu a sawi a. Ram rorelna leh thuneihna hi tuin emaw an hlawk bik lawihna tur a nih loh thu sawiin, “Congress party hi tute emaw tan bika thawk mai mai tur kan ni lo, kan ram leh hnam tana thawk tur kan ni,” a ti.
‘|hat loh theih lohna bawm zirchianna’ Trainers’ Training Programme hun hman hi Lal Thanzara, Vice President MPCC in a kaihruai a. H. Zairemthanga, Secretary MPCC in hunserh a hmang a. Dr. Lallianchhunga, Spokesperson & Chairman Media Deptt. MPCC in ‘|hat loh theih lohna bawm’ sawi hawnna hun a hmang bawk.