Miss Chapchar Kut 2022 atan kum 21 mi Vanlalnunpuii, d/o R. Lalremruata, I.T.I veng chu thlan a ni.
Result puan leh lawmman hlanna hun hi March 16, 2022 (Nilaini) khan Hill View, Kelsih-ah neih a ni a, I.T.I -a training zo hlim hlawl ni bawk, Miss Chapchar Kut hian lawmman atan tangkafai Rs. 50,000/- bakah Citation, Photo Frame leh Lalhmachhuana Zofa leh-khabu ziak, Mizo Lalte, Rs. 1,500/- man a dawng.
Miss Chapchar Kut 2022 Result puan leh lawmman hlan hi Art & Culture, P&E, etc. Minister R. Lalzirliana’n hmanpuiin, Miss Chapchar Kut te chu Mizo nun ze mawi chhawm nung zel turin leh Lal Isua nena an dam chhung hun chhiar zel turin a chah. Rev. Dr. Ngurthanpara Sailo pawhin Miss Chapchar Kut 2022 te Pathian hnena hlanna leh fuihna a nei bawk.
Runner up-te hian Rs. 10,000/- \heuh an dawn bakah Citation, Photo Frame leh Lal-hmachhuana Zofa lehkhabu ziak, Mizo Lalte, Rs. 1,500/- man \heuh an dawng bawk.
Kum danga tih ngaih loh, tun \umah hian lawmman siam a ni a; Hmel\ha ber, Pian nalh ber leh Mizo thuam inhmeh berte thlan an ni bawk.
Miss Chapchar Kut 2022 First Round (Audition Round) hi March 4, 2022 (Zirtawpni) khan Diktawn Monthly Magazine office, Treasury Square-ah neih a ni a, Contestant mi 50 dawn kal khawm zingah Top 5 thlan chhuah an ni.
Tichuan, March 7, 2022 (Thawhtanni) ah Top 5-te inelna (Final Round) neih a ni a, nimin khan result puan leh lawmman semna hun an hmang.
Miss Chapchar Kut 2022
Vanlalnunpuii
d/o R.Lalremruata, I.TI
1st Runner up:
Lallawmkimi d/o Zochhuanawma, Hlimen
2nd Runner up:
H.Vanlalduhsaki d/o H.Remliana, Mission Veng
3rd Runner up:
Abigail Lalngaihawmi d/o Gabriel Lalremruata, Tuithiang
3rd Runner up: K.Hmingthanzuali d/o Lallura, Tanhril
INTERVIEW
TT: Engvanga Miss Chap-char Kut 2022 a tel nge i nih? Contestant te in inhmuhkhawm khan i rilru a langsar?
Nunpuii: Miss Chapcharkut a tel tur hian sawm ka nih na angin ka Nu leh Pa te remtih na avang leh \ha ka tih avangin ka tel a. Ka contestant pui te kha kei ai \ha vek an ni a, hetiang dinhmun ka thlen hi ka inbeisei lo hrim hrim a, Pathian vang liau liau ni ah ka ngai.
TT: Contestant dangte aia i danglamna emaw lansar bikna te i nei em?
Nunpuii: Ka contestant pui te an \ha tawk ka ti a, an mahni ai a \hatna leh lansar bikna ka hrelo.
TT: Tunlai Mizo \halaite’n harsatna an tawh nasat ber nia i hriat? A chin fel dan tur atan \haa i hriat emaw rawtna nen…
Nunpuii: Thil tih tak tak peih-na kan tlachham ka ti. A chinfel dan tur kawng lian ber ni a ka hriat chu engpawh ti dawn ila, tawrhchhelhna leh tumruhna kan neih a pawi-mawh in ka hria.
TT: Social media hian mihringte hi min phuar-khawm nge ni a, min \hendarh zawk le?
Nunpuii: Social media hi a zawng zawng chuan ka sawi thei lo a mihringte hi kawng tamtak ah min phuar khawm in ka hria.
TT: Miss Chapchar Kut 2022 ah winner ni ta lo la, tunge winner nih i rin ber? A chhan leh vang nia i hriat?
Nunpuii: Hei chu a mimal a han thlan bik tur ka hrelo a. Tu a pawh lo nise, kei chuan an phû vek ka ti.
TT: Miss Chapchar kut 2022 intihsiakna atanga zirlai i zirchhuah te?
Nunpuii: Miss Chapchar kut a ka tel atang hian thil tam tak ka zir chhuak a, a bik takin mahni in vawng fel leh uluk lehzual a nun hman a \ul zia ka zir chhuak.
TT: Instagram-a thlalak i dah rual a, Gigi Hadid lo lang ve fo hi?
Nunpuii: Gigi Hadid hi chu ka fashion icon a nia..
TT: Piannalh berah an thlang che a, gym-ah i kal nge ni a, exer i la ‘regu’ zawk?
Nunpuii: Gym emaw exer ka la ngai lo. Pathian malsawmna ka pianpui liau liau a ni.