AIZAWL: |anpuia Zahthang intiin ‘Chamdur ram ngawa sanctuary-a mi Sele a kah tir’ tia Minister Lalruatkima puh a nih chungchangah Lalremruata Sailo, Dawrpui vengthar in Cyber Crime Police Station-ah FIR a thehlut a, MNF Legal Board-in an \awiawm.
FIR theh luttu Lalremruata Sailo chuan, “|anpuia Zahthang (Lal\anpuia Zahthang) Ph 9862651240 chuan facebook group-a a comment siamah dik lo takin Pu Lalruatkima, Minister (MLA Aizawl West II) chu Chamdur ram ngawa sanctuary-a mi Sele a kahtir tiin dawtin a puh a. Min bialtu MLA tihhmingchhiat tuma a puhna hi thudik lo leh dawt ngialngan tak a nih avangin hemi chungchangah hian a rang thei ang bera hma min laksak turin ka rawn ngen a che,” tiin nimina FIR a theh luhah a ziak a ni.
MNF Legal Board Secretary David R Lalsawmtluanga chuan, “Kristian ramah politics a nih avanga dawt leh thu belhchiandawllo hmanga social media kaltlanga ram hruaitute’n beih an tawk \hin hi a pawi hle a. Hetianga mi bei \hin \henkhat phei chuan mahni hming leh nihna dik pawh tar lang ngam loa tute emaw tihmualpho theihna tur dawt leh thudiklo an post \hin hi pawi kan ti hle a. Thuneitute’n an phu tawk hremna pe ngei se kan duh hle a ni,” tiin FIR thehluh chungchang a sawi.