Liverpool in Arsenal an hneh avangin hmahruaitu Premier League champion Man City nen an inkarah point khat chauh a awm tawh.
Premier League champion nih inchuhna a nung a, Liverpool in hmahruaitu Manchester City nena an inkar chu point khat chauh a nih tawhna turin Arsenal 2-0 in an hneh.
Emirates Stadium-ah Reds in fiahna hautak an paltlang a, a sang pali zinga tel ngei tum Arsenal in a
tawp thlengin Liverpool na takin beilet mahse a Jurgen Klopp-a pawlte an hlawhtling.
Liverpool keeper Alisson chuan Thiago backpass sual a\anga Martin Odegaard-a goal khung tur a dansak \ha hle a, hei hi Reds tana save pawimawh a ni.
Minute 54-naah Liverpool in goal an khung ta zawk a, Diogo Jota bawk a hun takah langin tun season a a goal 18-na a khung.
Goal an khung hnuah Reds in Jota leh Luis Diaz te la chhuakin Mohamed Salah leh Roberto Firmino ten an thlak a, minute 6 hnuah Brazilian forward in Andrew Robertson ball cross chu an goal hnihna turin goal-ah a khung.
Liverpool hi a zawnin Premier League-ah match 9 an chakna a ni a, Gunners in palina an la luah ve mek.
Liverpool manager Jurgen Klopp chuan, “Helai hmuna Arsenal hneh hi chu a lawmawm ziah a, mahse kan inkhel khan a tilawmawm zual. Bul kan \an \ha chungin inkhel inhawng tak a ni a, second half-ah insiam\hat kan duh a, kha khan inkhel a tidanglam.”
“Kan team chet\hat hian min ti phur a, kan dinhmun pawhin min ti phur. Mahse thil engmah a la inthlak danglam lova, a \ha thei ang ber a kal chhoh zel kan mamawh a. Hnehna chan chhoh zel a, nuam ti taka football kan khelh a pawimawh.” tiin a sawi.