State Bank of India (SBI) chuan Corporate Social Responsibility (CSR) a\angin nimin khan Association for Voluntary Blood Donation (AVBD) hnenah thisen peknaa hman tur hmanrua leh bungrua chi hrang hrang Rs 2,51,000 hu an hlan.
Civil Hospital, Aizawl Medical Superintendent pisa kawtah bungraw inhlanna inkhawm neih a ni. He hun hmanpuitu Health & Family Welfare Board Vice Chairman Dr ZR Thiamsanga chuan thu sawiin, AVBD hma lakna leh inpekna chu ropui a tih thu a sawi a. “Mahni hna kalsanin in thawk a, Covid-19 vanga hun harsa tak a tawh laiin thisen pe turte kan tlakchham laiin rim tak leh taima takin in thawk a, nunna tam tak in chhanhim a ni,” a ti a; AVBD leh SBI chungah sorkar aiawhin lawmthu a sawi.
Thilpekte hi digital Blood pressure monitor 15, inbukna 10, mattress 30, lukham 30, bedsheet leh lukham káwr 30 ve ve, plastic chair leh steel almirah pakhat a ni.