- Priskil Zolawmsangi, HBC
Nun hlui kan tih hian eng kan sawina nge? Panlâi nun chauh hi em ni nunhlui? Nunhlui chu kan hun liam tawh, kan kum hman ral tak te a ni kan ti thei ang. Tu pawh mai hian nun hlui kan nei vek a, a \ha lam emaw a lungchhiatthlak lam thlengin kan neih vek a rinawm. Nunhlui ngaih vang a lungleng a kiu ta vawng vawng te pawh an awm nawk bawk. Khawvel mihring hnam tinreng leh chitin zingah hian nunhlui nei lo reng an awm a rinawm loh. Mihring lunglêntu ber te zing a sawi theih a ni nunhlui hi. Nunhlui ngaihawm a awm a, nunhlui \ahna pawh a awm bawk \hin. Eng chen nge nunhlui chu a nga, khawi chen hi nge nunhlui tak chu ni ta. Mihringin kan hun hman ral tak zawng zawng kan tun hun hman mek hnu lam zawng hi nunhlui chu a ni mai em?
Nunhlui kan tih hian \henkhat tan chuan chhungkaw kim a hlim lai, hmangaihna par hlim taka tlan lai, \hianza hova hlim lai te, chan \ha kan chan lai te hi niin kan ngai thei awm e. Kan hun hman mek a liam zel a, hlimna in mual min liam san a, kan chan \hat lai hun te pawh a liam a, chan chhe zawk kan nih chang a rawn in her chhuak a, lungawi lo takin hun kan hmang a, chung chu nunhlui chu a ni leh mai a. Siamtu hian mihringte hi min siam ropui khawp a, kan chunga thil thleng emg pawh mai hi min nawr kaltu atana kan hman thiam hlauh chuan min khai chhuak dawrh thei tura ngaihtuahna hmang thei turin kan thluak hi a lo duan sa vek a ni. Ka nun hman ral tak la tam lo takah pawh hian nunhlui ti a auh chhuahpui tur ka nei ve ta. Nunhlui chang turin dam chhung hun kan hmang ral a, nunhlui ti a kan sawiah hian a \ha lai eng zat nge kan hnutchhiah. Nun hi hman ral tur reng a duan em ni? Khuarel thil te ang hian nun hi her kual reng a ni ve tho em? Kan nunah hian hlimna leh \ahna, lawmna leh lungngaihna te chu sik leh sa in thlak danglam fo ang hian nunah hian a inthlak ve fo va, a kual ve fo \hin mahse nunhlui erawh a danglam thei tawh lo a, lunglenna au chhuaktu \ha tak erawh a ni ve leh tlat thung si. Nunhlui ngai hian kan la kiu ve vawng vawng a ngem? Dam chhung rei lo te chhung hian chhuan tlak \ha tak kan chher chhuak a ngem? Kan vanglai kan chen a, kan hlim em em lai te hi nunhlui chang mai tur a ni a, koh kir theih loh tui baw hnu a ruh leh theih loh kan tih nen hian a in ang hle a ni. Vanglai hi hum sual dai nana hmang lo hram tur hian Mizo \halaite hi inguih nasat kan ngaihzia kan hre chhuak thar a, kei a vei thartu lah hi kan ram chhungah kei aia te an awm dawn chuang em ni tih tur khawpin \angkaina ka nei tlem leh ang lawi si. Mi \henkhat chuan nunhlui chang mai lo se hlim ni hrui ang sei se tiin an au chhuahpui ka hre tawh \hin nunhlui chang turin hlim lai ni te chu an ui em em a, nunhluiah chauh hian em ni hlimna a awm dawn tiin ka lo in zawt \hin. Mi \henkhat dang leh erawh te chuan ka nunhlui sualna in min vaw let tiin an in dawm kun ve leh ngaih ngaih thung. Nunhlui nei \heuh \heuh kan nunhlui kan hriat reng duh dan a in ang lo tlang hle. Siamtu’n min siam a keimahni \heuh a theihna hrang hrang min pek hai chhuak thiam chuan hlaah a chantir a mawi takin min awi hlarh hlarh a, \henkhat dang erawh chuan inchhir lrh mahni insit reng rengin khawvel eng an hmachhawn ve thung \hin,thlan khur luh pui tur \heuh \heuh nunhlui kan hriat reng dan a in ang lo hle \hin. Kan nunhlui te hian min vaw let lo tur a kan duh a nih chuan kan hun liam tawh emaw kan hun hman leh tur emaw aiin kan tun hun hi hman \hat a pawimawh hle. Kohhran leh khawtlangah hun hman \hat hi kan in zirtir uar em em a, a tak a zawm a pawm thlap tu hi kan \hahnem lo viauin a rinawm. Nunhlui ngai vawng vawng tute hi hun hmang \ha an nih vek a rinawm loh a mahse nunhlui ngaih vawng vawngna tham khawp chuan nun chu an hmang \ha ngei niin a lang uar thin.
Ka naupan lai chuan naupang infiamna in ka in awm tlei a, ka rawn tleirawl a khawvel tukverhah ka dak chhuak ve \an a, peng tam tak ziktluk si lo ka hmu a, mi chi hrang hrang ka hmu bawk a chung karah chuan ka nunhlui lehkhabu chu ka ziak ve \an ta a. Nunhlui lehkhabuah hian ka dai sual lai te, ka tluk chhangte hi duh lo eng ang mah i la ka ziah tel vek a ngai a, a nawh reh theih dawn tawh si lo, tluk pawh a tho leh thuai tur hian ka chak tawk em? tih hi mitin mai hian in zawt I la, nunhlui chhinchhiah tlak mite tan pawh a ban rinawm ni thei turin kan tun hun hman \hat hi a \ul tak zet zet a. Nun chu kan chen thei, nunhlui chang tur kan nun hman mek hi malsawmna kengtu, diknaa thuam huaisenna silhfen inbel chungin nun hi hmachhawn rawh. Thil \ha tihna nen a nunhlui chang turin tu pawh mai hian hlen tur kan nei a, nunhlui ngaihawm lrh sawi nawn fo tlak ni turin kan tun hun hman mek hi uluk leh zual deuh deuh a va \ha em.