Aizawl: Sorkar laipuia Ministry of Finance, Department of Revenue (Narcotic Control) bul tumin Zirtawpni khan Excise & Narcotics Department (END) chuan ruihhlo dona lama an thawhpui pawl pahnih – Mizoram Cycling Association (MiCA) leh Aizawl Thunders te nen Anti-Drugs Awareness Rally (Ruihhlo dona atana inhmuhkhawmna) an hmang.
Nimin zing kar khan ruihhlo dona atana cycle-a feh chhuak tur MiCA-te chu Commissionerate of Excise & Narcotics Building kawtah Commissioner & Secretary K.T. Beicho, IRAS chuan a vai liam a. Thu chah sawiin, “Mizoram hi ruihhlo hian min tibuai nasa tawh hle a; chuvangin, mi tinin kan do a ngai a ni,” a ti.
Cyclist-te hian thirsakawrin khaw hrang hrang fangkualin, ruihhlo \hat loh zia leh ruihhlo dona thu ziak hmangin an tlangaupui a. An zingah hian hmanni lawka thirsakawr hmanga Mizoram a\anga Kolkata tlan thleng C. Lalawmpuia te, Vairengte a\anga Mizoram chhim tawp, Three Country Point thirsakawra tlan thleng, Elzeta Varte leh MiCA member dangte an tel a ni.
Aizawl Thunder te hi nimin vek chawhma dar 10 khan Ngurchungnunga Sailo, Commissioner, END chuan Mc Donald Hill a\angin a vai liam bawk.