Aizawl: Serchhip bialtu MLA Lalduhoma’n Tuirihiau leh Vantawng Khawhthla inkara luia khualzin chuan theih turin nimin khan lawngleng service a hawng.
Buangpui khawdaia khualzinte tlawh nasat, Tuirihiau leh Vantawng Khawthla inkar Vanva luia Buang Branch YMA-ten khualzin tana man chawia chuan theih tura an dah, engine hmang pahnih lawngleng mipui tana hman theih turin a hawng a ni.
Vanva luia hawnna inkhawm hun buatsaihah Lalduhoma chuan a bial chhungah khualzinte tana hmun tlawh manhla tak tak awmte tihchangtlun kawnga hmalakna awm \hin chu lawmawm a tih thu a sawi a. Khualzinte tlawh nasat hmun chu changtlung leh zuala a theih anga chei zel \ha a tih thu te, hmun hmingthangte chu khuanu siamsa, a nihna ang anga humhalh \ha a tih thute a sawi.
Serchhip bialtu MLA hian tourism ministry a\angin khualzin hip tura Vantawng Khawhthla leh a vel cheina tur cheng nuai eng emaw zat a awm thu leh sorkar laipuiin a approved tawh chu Buangpui leh Thenzawlin a chhawr theih tur hmasawnna a ken tel thu a sawi bawk.
A bial chhunga hmasawnna hrang hrangte MLA fund a\anga a theih ang ang an thawh \hin thu sawiin, “MLA fund chauh hmanga duh anga hmasawnna hna thawh theih a ni lo a. MLA fund hmuh ang ang lawm thiam taka bial mipuiten \angkai taka in hmang \hin hi a lawmawm,” a ti.
Tuirihiau leh Vantawng Khawhthla inkar Vanva lui hi km 1.5 vela thui niin, lawngleng hi Tuirihiau thlang a\angin Vantawng Khawhthla chung thleng \hal lai leh fur lai pawhin a kal theih beisei a ni. Lawngleng pakhatah hian a khalhtu nen mi pangnga chuan theih a ni dawn a. A chuan kualna man hi mi pakhatah Rs 100 zela bithliah a ni.
Buangpui Branch YMA te chuan tun hnai khan helaia hman tur lawngleng hi bialtu MLA hnenah an dilna chu MLA fund a\angin lawngleng hi pahnih leisak an nih avangin lawmthu an sawi.