Kut themthiamna hi thil hlu tak, tumahin min chhuhsak theihloh a ni :MJA President

Aizawl : Mizoram Journalists’ Association president Zonunsanga Khiangte-in “Kut them- thiamna hi thil hlu tak, tumahin min chhuhsak theih loh a ni,” a ti.
Hnam Chhantu Pa- wl-in Hmunphiah siam zirna ‘short course training on broom making’ an buatsaih kharna, kar kalta Zirtawpnia neihah he thu hi MJA president chuan a sawi a. “Kut themthiamna hmanga hnathawh chu eizawnna tha tak a ni a, kan thiamnate tuma min laksak theih a nih loh avangin taima taka kan thawh zel chuan Pathian malsawmna pawh kan dawng zel thin a ni,” a ti.
Hnam Chhantu Pawl hnathawh fakin, MJA president chuan “Mizoram leh Mizote tana an inpekna hi a fakawm takzet a. Kutthemthiamna lamah ngaihtuahna nasa tak an seng a, an kutchhuak hian India ram mai ni lo, ramdang a thleng hial tawh a ni,” tiin kutthemthiamna chu tun aiin sorkarin ngaihsak leh zual se a duh thu a sawi bawk.
Tuntuma training chhuak te hi Chhiahtlang leh Keitum khuaa mi 9 te an ni a. Heng mite hian kar khat chhung hmunphiah siam dan an training a, midang te training an pechhawng ve leh dawn a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427