Portuguese rider Miguel Oliveira chuan MotoGP a pakhatna a hauh vawi li na ni turin Indonesia-ah hnehna a chang a. Pathianni chhun a tlan Indonesian Grand Prix-ah a tlan chak ber.
Indonesian Grand Prix hi kum 1996 leh 1997 ah te neih a ni tawh a, nikum season khan neih leh tura tih nimahsela Covid 19 avangin an nei thei lo.
Kuminah Mandalika International Street Circuit ah tlan \an niin Oliveira hian pasarihna a\anga bul \anin pahnihna a hauh nghal thuai a, lap 20 a la awmin hma hruaiin a tawp thleng a hruai tlang.
“Rilruah thil tam tak a awm a, ka bul \an dan duhthusam a ni. Mahse ruahsur hnuaiah eng ang taka tlan chak a, nawr nat tur nge tih hriatthiam a har. Jack Miller kha lap engemaw zat chhung ka um a, ani aiin ka tlan chak zawk tih ka hriat hnu khan na lehzual in ka nawr ta zawk.” tiin Oliveira chuan a sawi.