A pasal nena fatir nei mai tur chuan nau neih atanga ni 100 awmhran a ngaih dawn vanga chhun leh zana buai zak zak tur a pasal tan Malaysia pawisaa RM maktaduai 2 man (Rs Vbc. 3.63) Lamborghini a leisak.
Kum 19 mi Anes Ayuni Osama hi Malaysia rama cosmetic guru lar niin, thla thar hian a pasal Weldan Zulkeffi lakah fatir a nei dawn a, zan rei tak tak meng a, chhungkaw pa ber mawhphurhna la tawh tur a pasal tan a tih theih tha ber chu Tiktok kaltlangin video siamin, a barakhaih ta a ni.
Ayuni leh Zulkeffi te hi March 2021 khan inneiin, thla thar hian fatir an beisei a, a nupuiin fa a neih atanga ni 100 chhung chu a hrana awm a ngai ang. Chhung-kaw kalphung hrim hrimah pawh heti anga ni 100 awmhran hi kalpui a ni a. Hei hian nau neih hnu-a insawiselna hrang hrang awm thei laka himna a pek bakah hahdam zawka awm theihna boruak a thlen.
Hmeichhia ah hormone rualkhai lo tiziaawmin, Pa ber pawh chhungkaw hotu a nihna angin a fatir tan hian a mawhphurhna leh theihna zawng zawng a hlen hun tak taka ngaih a lo ni bawk nen, hah tawngkhawng leh chau ngawih ngawihte pawh thleng thei reng a ni.
Hetih lai kara pa ber awh ngawih ngawih Lamborghini mawi tak mai a present hian dam sawng sawngna a keng tel dawn chiang a, a nupui hnen atanga car changkang tak a dawn hian Welden pawh lawm avangin a mittui a tla hial a ni.