World Happiest Report 2022: India hlim lo tual tual khawvela ram hlim ber Finland

Khawvela ram hlim bera awm châk lo tunge awm ang le? Finland-a pem luh daih mai te hi a chakawm zual. Khua a lum chho nasa mai si a! He ram hi mihring khawsak phung tehnaah pawh vawi-te khatmah a hniam ngai lova, a lera a awm loh paw’n ‘ber’ ram zingah a langsar tho tho.
Hniam fal ram te
‘World Happiest Report 2022’ thar tihchhauah Finland hi khawvela ram hlim ber a ni leh ta a, UN sponsor hnuaia neihah hian Afghanistan chu ram hlim lo ber niin; Lebanon, Serbia, Bulgaria leh Romania te’n an dawt ve bawk
Russia leh Ukraine te tun din-hmun ah an indo mup mup mek a, number 80 leh 98-naah an awm. World Happiness Report 2022 hi February 24-a Russia-in Ukraine a run hmâ daiha buatsaih a ni.
Kumin hi World Happiest Report-in kum 10 a tlinna chiah a ni a, ram 150 chuang zirchianna uluk taka an neih atanga lo chhuak a ni bawk a, mihringte’n nun an hman dan leh kalpui dan chiang taka tarlang thei a ni a, hun thim tak karah World Happiness Report 2022 thar hian beiseina erawh a thlen nual.

Engnge tehfung?
World Happiest Report-ah hian ram hrang hrangte chu an sum lakluh, vantlang support, hriselna leh damreina, duhthlan theihna zalenna, thil phalna leh corruption fihlim dan atanga teh an ni.
Tin, idea pahnih langsar tak hmanga thlit fim zui niin, ngaihdan hrang hrang lak atanga an hlim dan te leh an nawmsak dan te hi enfiah zui a ni bawk.

India hniam zel
Kum têlin India hi World Happiness Report-ah hniam lam an pan zel a, ram 146 thur chhuahah 125-naah awmin, 2021 khan ram 148 atangin 139-nah a hauh.
Chuti ang zelin, 2020 khan 144-na niin, 2019 ah 140-ah a awm. 2018 report-ah 133-na a ni a, 2017 khan 122-ah awmin, 2016 leh 2015 khan ram 157 & 158 atangin 118-na leh 117-naah dah a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427