‘The Kashmir Files’ en zo thalai pathum beih an ni

Tunlaia film lar leh sawihlawh tak ni bawk ‘The Kashmir Flies’ en zawh hnu a cinema hall chhuahsan Hindu tlangval pathum chu chem hmanga beih an ni a, Fazilnagar, Uttar Pradesh-a thil thleng hian mi tam tak a barkahaih.
Kut tuar te hi Sachin, Krishna leh Rahul te an ni a, zirtawp zan khan ‘The Kashmir Files’ hi cinema hall-ah an en a, film a zawh hnu-a pawn an chhuah rual hian nationalist slogan an auchhuahpui a ni.
Heti anga au hla hi tualchhung Muslim thenkhatte’n pawm thei lovin, Hindu thalai pathum te nen hian an inhnial buai zui a, boruak sosang zelin, hriam hrei hmanga inbeihna a thlengzui nghal. Mi pathum tehi Community Health Centre (CHC)-ah lak an nih hnu-ah an bul hnai maia awm mecial college pakhatah refer nghal an ni.
Police te chuan thil thlen dan uluk takin an chhui zui nghal a, SHO Akhilesh Kumar Singh chuan pawiikhawihtute hi man thuai an nih tur thu a sawi.
‘The Kahsmir Files’ film hi 1990 kuma Kashmir Pandit suatna lama hawi tarlanna a ni a, Kashmir Pandit te thil tawn leh an chunga thil thleng te pholanna niin, 1989 kuma Kashmir-a Islamic Jihad thlpui vung taka thleh khan mi cheng tam zawk Hindu te chu a umchhuak ta a ni.
Zirchianna ah chuan Kashmir tlanchhiahsan Kashmiri Pandit te hi mi nuai khat chuang an ni a, February leh March 1990 khan an In leh lo an tlansan.
‘The Kashmir Flies’ hi March 11 khan ramchhunga tlangzarh niin, sawi hat a tling nghal a, politics-a inbeihna leh inchirh thehnain umzui nghalin, tunlaia ramchhunga chai hlawh tak a tling pha ta hial a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427