Aizawl : Sorkar lai- puia ministry of youth affairs and sports hnuaia Nehru Yuva Kendra Sangathan, Serchhip district bultumin nimin khan Thenzawl Lo\hazawl Football ground-ah block level sports meet, Football tourament chu Thenzawl Forest division DFO Lalbiakchama Chawngthu-in a hawng.
Hawnna inkhawm neihah Thenzawl zone football association buatsaihah hian khuallian DFO bakah TZFA president Liantluanga Ren- thlei leh NYKS, Serchhip district aiawh ten thu an sawi a. Khualliam DFO Lalbiakch- ama Chawngthu chuan, Mizoramah kangmeia fimkhur ngaih zual hunlai a ni tih hre reng a, mipui fimkhur zual a \ul thu a sawi a. Ramngaw humhalh kawnga \anlak thar \ul a tih thu sawiin, Mizorama tuikhawhthla sang ber Vantawng Khawhthla chu \hal laiin tui a tlem em em tawh a, tuihna a \hat theih nan Vantawng khawhthla hnar tihngaw leh nan project siam a nih thu a sawi. DFO chuan Mizo ten tih tak takna kan tlachham fo \hin thu leh infiammiten tih tak tak- na, taimakna nen theihtawp an chhuah chuan hlawhtlinna awmin, \an la turin a fuih bawk.
NYKS, Serchhip di- strict leh Thenzawl zone football association buatsaih Block level sports meet, Football tournament-ah hian Thenzawl khaw chhunga YMA branch Football team pakua bakah, Buangpui, Kanghmun South leh Zote South Branch YMA team, an vaiin team 11 an tel a, tunkar Inrinniah final khelh tura ruahman a ni.