NBA veteran guard Jamal Crawford chuan kum 20 a inkhelh hnuah professional basketball a chawlhsan thu a puang.
Crawford hian Thawhlehni zing khan social media kaltlangin a thutlukna hi a puang a. “Ka infiamna ngainat ka mang\ha dawn a, hlimna leh phurna min pe \hintu ka thlah dawn. Basketball ka mang\ha a, thil tam tak min petu a ni.” a ti.
Kum 20 a inkhelh chhungin Crawford hian team 9 tan a khel hman a, NBA a bench scorer rintlak berte zing ami niin Sixth Man of the Year award vawi thum a la tawh a. Lou Williams nen record an chelh dun mek.
‘Ball handler’ rang leh scorer \ha Crawford hian game 1327 khelin 14.6 scoring average a inkhelh chhungin a nei a. Player-te leh fans-te ngainat hlawh tak niin kum 2018 khan Twyman Stokes Teammate of the Year chawimawina a dawng.
Kum 42 mi hi NBA chanchin a point 50 score tling thei upa ber ni turin kum 2019 April thla khan Phoenix Suns tan point 51 inkhel vawikhatah a score.