Aizawl: Mizoram Public Service Commission (MPSC) member atana ruat thar, Vanlalngaihsaka IAS (rtd) chu nimin khan Larsap Hari Babu Kambhampati-a’n rinawmna thu tiam tirin a la lut.
MPSC member thar lak luhna hi Chief Secretary Renu Sharma chuan kaihruaiin, he hunah hian MPSC Member atana Vanlalngaihsaka IAS(rtd) ruat a nihna lehkha a chhiar chhuak a. Hemi zawhah hian Larsap Kambhampati chuan rinawmna thu tiamtirin MPSC member atan a la lut a ni.
Vanlalngaihsaka hi kum 1991 khan Mizoram Civil Service-ah a inziak tling a, kum 2015 khan Indian Administrative Service (allotted 2007)-ah hlan kai a ni leh a. Aizawl, Champhai leh Mamitah bawrhsap a ni tawh \hin a. Kumin March 11 khan voluntary retirement-in a hna a chawlhsan a. Hemi ni thleng hian Mizoram sorkarah secretary nihna chelhin home department leh DM&R department te a enkawl a ni.