March 12, 2021-a anupui Vanlalhruaii rawng taka thattu a puh, Lalruatsanga, Tuikual South chu nimin khan Court-ah a inlan a, tualthattu hian a phu tawk hremna a hmuh theih ngei phutin mi eng emaw zat an pungkhawm.
District Court tuala pungkhawmte hi Vanlalhruaii chhung te, Lawipu, Maubawk leh Tuikual South MHIP member te an ni a, pungkhawmte hian tualthattu a puh chu dam chhunga lung in tang tura an duh thu leh he tualthahna thlengah hian rorelna dik a awm ngei an duh thu inziahna placard an keng a ni.
Nikum March 12 khan Vanlalhruaii chu nasa taka kutthlak a nih avangin a hliam tuar loin a boral a, kut thlaktu-ah hian a pasal, Lalruatsanga chu puh niin, police ten an man a; Central Jail-ah a tang mek a ni.