Aizawl: BJP Mizoram Pradesh President Vanlalhmuaka chuan Mizoramah development tak tak a thlen theihna turin eirukna chu a taka do a, a bul\hut a\anga hai chhuah a ngaih thu a sawi.
He thu hi nimina ‘Shaheed Diwas’ puala hun an hmannaah a sawi a, Mizoramah BJP an din chhan chu Mizoram hi ‘Clean Mizoram’ tak tak a nih theihna tura hmalak a nih thu sawiin, “Kan khawlai leh veng fai mai ni lo, corruption laka faina hi kan ngaih pawimawh tur a ni,” a ti a. Mizoram ti\huanawptu chu eirukna a ni a; nimahsela, Mizorama sorkarna chelh tawhte chuan eirukna chu an do ngam lo vek a, an pui zawk a ni tih chu Mizoram mipuiten an hria tih a sawi.
Vanlalhmuaka chuan kum 2018-a MLA inthlanpuiah khan Congress tihbo nan BJP-in MNF kha talhtumah an hmang a, an tum a hlawhtling tih sawiin, kum 2023-a MLA inthlahpuiah BJP-in sorkarna an siam ngei dawn tih leh chumi hunah chuan ‘Clean Mizoram’ tak tak, khawlai fai mai ni lo, sorkarna fai, corruption awm lohna an siam dawn tih a sawi.
Kum 1931 March 23-a British rorelna, ‘Simon Commission’-a India mi tel ngei se tia phuta hma latu, Bhagat Singh, Rajguru leh Sukhdev-a te chu Bristish-ten an khai hlumna ni hriatrengna atan ‘Shaheed Diwas’ hi hman \hin a ni.